Kuwa 20 Gashyantare 2024, abamotari 425 muri 493 bari bategerejwe bo mu karere ka Karongi batoye ababahagarariye 50 muri 74 biyamamarije kujya mu nteko izatora komite ngenzuzi na nyobozi za koperative yabo ku rwego rw’akarere.

Ni igikorwa cyitabiriwe n’abarimo Umuyobozi w'Akarere ka Karongi, Madamu MUKASE Valentine, inzego z’umutekano, Intumwa ya Minisiteri y'Ubutabera, Abanyamabanga Nshingwabikorwa b'Imirenge n'abandi bayobozi batandukanye.

Umuyobozi w’Akarere yabasabye gutora mu mucyo no mu bwisanzure, bakitorera abayobozi bazabageza ku iterambere bifuza; mu cyerekezo cy’Igihugu.