Abagize Komisiyo y’iterambere ry’ubukungu y’inama Njyanama y’Akarerere basuye isoko nyamburamipaka rya Karongi mu rwego rwo kureba imikorere yaryo nuko ryarushaho gukomeza gukora neza. Basuye ibice bitandukanye by’iryo soko riri i Ruganda mu Murenge wa Bwishyura, bareba uko ryakora iminsi yose y’icyumweru, dore ko ubusanzwe rimenyerewe ko rirema ku wa Gatanu w’icyumweru.

Nyuma yo gusura iryo soko, abajyanama bateranye biga ku ngingo zirimo  ubukangurambaga ku kuvugurura urutoki, gusuzuma no kwemeza urutonde rw’abagomba guhabwa ingurane ikwiye, kungurana ibitekerezo kuri tarif y’imisoro y'inyubako za Leta zikodeshwa muri aka karere ndetse n'imisoro ku matungo no gusuzuma no kwemeza umushinga wo kwemeza icyiciro cya kabiri ya TVET Mubuga, harebwa ibikorwa by’inyungu rusange byagira icyo bikorwaho no gusuzuma umushinga w’ingengo y’imari 2025/2026.