Karongi, kuwa Kabiri, tariki ya 13 Gicurasi 2025 – Umuhuzabikorwa w’Inama y’Igihugu y’Abagore (CNF) ku rwego rw’Akarere ka Karongi, Madamu Nyirakabikira Louise, ari kumwe n’Umukozi w’Akarere Ushinzwe Uburinganire n’Iterambere ry’Umuryango, bitabiriye inama isanzwe ya Komite Nyobozi yaguye ya CNF ku rwego rw’Intara y’Iburengerazuba, y’igihembwe cya kane mu mwaka wa 2024/2025.

Iyi nama yayobowe na Madamu Bagirinka Vestine, Umuhuzabikorwa wa CNF ku rwego rw’Intara, ikaba yarafunguwe ku mugaragaro n’Umukozi w’Intara Ushinzwe Ubujyanama mu by’Amategeko (Legal Advisor).

Abitabiriye inama:

• Komite Nyobozi ya CNF ku rwego rw’Intara
• Abahuzabikorwa ba CNF b’Uturere twose tugize Intara y’Iburengerazuba
• Abakozi bashinzwe Uburinganire n’Iterambere ry’Umuryango ku rwego rw’Uturere
• Bamwe mu bakozi b’Intara

Ingingo nyamukuru zaganiriweho:

1. Igenzura ry’ishyirwa mu bikorwa ry’imyanzuro y’inama iheruka ya Komite Nyobozi y’Intara
2. Iteganyabikorwa ry’igikorwa cyo Kwibuka ku nshuro ya 31 Jenoside yakorewe Abatutsi, by’umwihariko ku bagore n’abana bishwe muri Jenoside
3. Umusaruro wa GAD (Gender Accountability Day) mu gukemura ibibazo byugarije umuryango
4. Igenamigambi ry’ibikorwa bya CNF ku rwego rw’Intara (Action Plan 2024-2025)
5. Raporo y’isuzuma ry’imihigo ya Mutimawurugo y’icyiciro cya mbere, ryakozwe hagati ya tariki ya 28/01 - 07/02/2025

Imyanzuro yafashwe:

1. Uturere twashimiwe intambwe twateye mu ishyirwa mu bikorwa ry’imyanzuro y’inama iheruka.
2. Kwibuka ku nshuro ya 31: Uturere twasabwe gukomeza gutegura neza iki gikorwa, hubahirizwa amabwiriza ya MINUBUMWE.
3. Abitabiriye inama basabwe gusura amatsinda n’amakoperative y’abagore yatewe inkunga na CNF n’abandi bafatanyabikorwa, kugira ngo bagire inama z’imikoreshereze y’inkunga cyangwa inguzanyo bahawe.
4. Kunoza imihigo y’imiyoborere myiza yasabwe gushyirwamo imbaraga kuko ikiri inyuma ugereranyije n’indi mihigo.
5. Kwitabira isuzuma ry’imihigo ya Mutimawurugo: Abitabiriye inama bagaragarijwe amanota y’icyiciro cya mbere, banasabwa kwitegura isuzuma ry’icyiciro cya kabiri rizaba hagati ya 05–15 Kamena 2025.
6. Imihigo ya 2025/2026: Izashingira ku bibazo by’umwihariko byugarije buri karere, buri nkingi ikagira byibura ibikorwa bitatu (3 priorities) nk’uko byasabwe na MIGEPROF na CNF ku rwego rw’Igihugu.
7. Gahunda ya Graduation: Abitabiriye inama basabwe gukomeza gukurikirana umuryango watoranyijwe muri iyi gahunda mu mudugudu wa Mutimawurugo, binyuze mu kuwufasha kubona aho uba no kuwuteza imbere mu kwikura mu bukene.