Abagize Urugaga rw’Abikorera mu Karere ka Karongi (PSF-Karongi) bavuga ko batangiye kwegeranya amafaranga no kuganira n’ikigo cy’imari kizabaha inguzanyo yo kubaka mu mujyi w’aka Karere igorofa izaba ririmo iguriro rigezweho.

Ni bimwe mu byagarutsweho mu nama yahuje abikorera bo muri aka Karere bahagarariye abandi bategura gahunda yo kwibuka ku nshuro 32 Jenoside yakorewe Abatutsi.

Muri iyo nama abikorera bagaragarijwe ibikorwa bagizemo uruhare birimo miliyoni 260Frw batanze mu gushyigikira amatora ya 2024, miliyoni 7,2 Frw batanze yo gufasha abasizwe iheruheru n’ibiza bya tariki 2-3 Gicurasi 2023 na miliyoni 1,5Frw bakusanyije.