Mu rwego rwo kunoza imikoranire no kwibukiranya inshingano za Komite zo gukumira no kurinda imirimo mibi ikoreshwa abana, mu mirenge itandukanye y’Akarere ka Karongi habereye amahugurwa y' Abagize Komite zo gukumira no kurwanya imirimo ibujijwe ku bana kuva  ku rwego rw'umudugudu, Akagari n'umurenge

Mu cyumweru gishize, aya mahugurwa yabereye mu mirenge  ya Mubuga, Gishyita, Murambi, Bwishyura na Rubengera.

Ibyaganiriweho birimo umwana uwo ari we mu itegeko rigenga umurimo mu Rwanda N0 66/2018 ryo ku wa 30/08/2018, imirimo ibujijwe gukoreshwa abana, abagize Komite, inshingano z'abagize Komite, ibihano ku bakoresha abana imirimo ibujijwe, uburyo bwo gutanga raporo, umwanya n'inshingano za Malayika Murinzi, gukumira no kurinda inda ziterwa abangavu ndetse no kurinda ubuzererezi