Ku wa 30 Nzeri 2025, mu cyumba cy'Inama y'Akarere ka Karongi habereye inama yaguye y’Inama y’Igihugu y’abagore(CNF) ku rwego rw'Akarere.

Inama yatangijwe n'Umuyobozi w'Akarere wungirije ushinzwe imibereho myiza y'abaturage Madamu  UMUHOZA Pascasie wabwiye abayitabiriye ko ibyo biyemeza baba bakwiriye kubishyira mu bikorwa, kugirango bakomeze guteza imbere imibereho myiza y’abaturage bayobora, ndetse banabagiriye icyizere babatora.

Iyi nama yayobowe n'Umuhuzabikorwa w'Inama y'igihugu y'abagore ku rwego rw"Akarere Madamu NYIRAKABIKIRA Louise, yitabirwa n’abagize komite yayo ku rwego rw’Akarere, Abahuzabikorwa ba CNF mu Mirenge igize Akarere, Abakozi bashinzwe imiyoborere myiza mu mirenge igize Akarere, Umuyobozi w'ishami ry'imiyoborere myiza mu Karere n’Umukozi w'Akarere ushinzwe uburinganire n’iterambere ry'umuryango.

Ibyasuzumiwemo birimo ishyirwa mu bikorwa ry'Imihigo ya Mutimawurugo 2025/2026, imyiteguro y'umunsi ngarukamwaka y'umugore wo mu cyaro uba ku wa 15 Ukwakira buri mwaka, Kwitegura icyumweru cyahariwe kwimakaza ihame ry'uburinganire (GAD) ndetse no kwitabira gahunda zitandukanye zo gufasha umuturage kugira imibereho myiza.