Ababaruramari bo mu bigo nderabuzima n’ibitaro byo mu Karere ka Karongi n’abashinzwe imicungire y’ibikoresho muri izo nzego bahuriye mu gikorwa cy’iminsi 3 cyo gutegura raporo y’ibaruramari y’umwaka 2024/2025 no gushyira imitungo yimukanwa n’itimukanwa mu bitabo by’ibaruramari.

Umuyobozi w’ishami ry’imari mu Karere ka Karongi, Madamu Iraguha Yvette, avuga ko iki gikorwakigamije gutanga raporo y’umwaka w’inngengo y’imari 2024/2025 ndetse no kwitegura uwa 2025/2026. Ikindi ngo ni uko iyi raporo ari yo yifashishwa mu kwerekana uko izi nzego zacunze imari n’umutungo  bya Leta, bituma n’umugenzuzi mukuru w’imari ya Leta yayifashisha mu kugenzura uko umutungo wa Leta wakoreshejwe.