Skip to main content Skip to page footer
Urubuga rwemewe rwa Leta y’u Rwanda
Coat of arms of RwandaAkarere ka Karongi

UMUYOBOZI W'AKARERE WUNGIRIJE USHINZWE IMIBEREHO MYIZA YASABYE KURANGWA N'IMYITWARIRE MYIZA

8 October 2026

Mu birori byo kwizihiza umunsi mpuzamahanga wahariwe guteza imbere Ubuzima bw'imyororokere wabereye mu isanteri ya Gasenyi mu Murenge wa Gitesi, Umuyobozi w'Akarere wungirije ushinzwe imibereho myiza, Madamu Umuhoza Pascasie yasabye kurangwa n'imyitwarire myiza, kwirinda inda ziterwa abangavu no kugana muganga mu gihe cyo gukuramo inda.

Iki gikorwa cyabaye  ku wa  08/10/2026; cyateguwe ku bufatanye bw'Akarere ka Karongi ;Ikigo cy'Igihugu gishinzwe Ubuzima mu Rwanda (RBC), Ishyirahamwe ry'Abaganga (Medical Doctors For Choice-MDFC) n’Umuryango wo guteza imbere Ubuzima n'Amategeko(HDI)

Iki gikorwa cyahuje abatuye imirenge ya Gitesi, Mutuntu na Rwankuba cyafunguwe ku mugaragaro n' Umuyobozi w'Akarere wungirije Ushinzwe Imibereho myiza mu Karere ka Karongi, Madamu UMUHOZA Pascasie.
Insanganyamatsiko: twese hamwe dufatanye guteza imbere Ubuzima bw'imyororkere mu Rwanda

Ibyakozwe birimo ikinamico ku buzima bw'imyororokere yakinwe n’abakinnyi b’ikinamico bamenyerewe mu Rwanda( service zo kuboneza urubyaro; gukuramo inda mu buryo bwizewe hakurikijwe amategeko), gutanga serivise zo kuboneza urubyaro no gupima indwara zitandura (NCDs)

Muri iki gikorwa, ubuyobozi bw'Akarere ka Karongi bahawe Certificate y'ishimwe ku bwo gukorana neza n'Umuryango HDI mu bikorwa bigamije guteza imbere ibijyanye n’ubuzima bw’imyororokere.

Hahembwe kandi ibigo by'ubuzima bitandukanye byahize ibindi mu gutanga izi serivisi zo gufasha abakeneye gukurirwamo inda, aho mu Karere ka Karongi hahembwe ikigo nderabuzima cya Kibuye n'icya Rufungo.

Umuyobozi w’Akarere wungirije ushinzwe imibereho myiza, yasoje akangurira abaturage guhangana n'imyitwarire mibi ndetse no kwirinda inda ziterwa abangavu, ababyeyi bakagira uruhare rugaragara mu kurinda no gukumira ko abo bangavu baterwa inda. Ikindi yasabye gushyira imbere umuco wo kwifata, ugize ikibazo gituma akenera gukurirwamo inda akagana kwa muganga, kuko ari bo bafasha mu buryo butagira ingaruka mbi zirimo n’urupfu ku wakuyemo inda.

Back